Fundacion Contra Violencia Relacional ta organisa un serie di seminarionan educativo cu lo enfoka riba diferente topiconan relaciona cu violencia relacional y bienestar emocional den comunidad. Pa brinda mas informacion tocante e iniciativa aki, nos di Telenoticia a hiba un entrevista cu directora di e fundacion, Esther Broeksema, cu a comparti detayenan riba diferente tema cu lo wordo trata durante e dianan di actividad. Segun e directora, e seminarionan lo toca asunto importante manera reconocemento di señalnan di violencia den relacion, comunicacion saludabel, impacto emocional y manera cu comunidad por contribui pa asina preveni situacionnan di abuso.
