ONLINE GILJA

ONLINE GILJA Giljakoan ka’jaengjok Kantakoan dokjaengjok Robibarkon gualtokengjok Padar pastor pamongrang sastro badale Online –osa skitokengjok. Youtube channel kulie man’atangtang dakenga, Publikba nisotokenga Jako botol ra’bite, me’chik rodile Amen Amen inatokenga ! Oh Oh Oh………. Rongtalgipa salkoan Ollakiram nokkoan, janggilate gale donenga, Songni gilja sa’rao samsi dikengjok, dobokrangsa cha’amtokenga. Aratgipa nokdangde bate aratdapenga, Bible koan gale donenga, Sunday skul dongjajok angni su’drangba, Palangosa Pubg kal’enga ! Oh oh…oh oh.. Jokatgipa Jisukon, Ka’sagipa Isolkon, man’atangtang kal’stapenga, Subscribe ka’bo channelko indintokenga, Uan Judas gita pale cha’enga. Neng’takani salosa Robibar sokjokosa jinma jinma an’sengtokenga, Kristian nokdang charame bongen salsaode, Noan chasong ong’pilnakenga. Ohhhhhhh………………………………