Pa bibo

Sayo pa sa buntag, naa na sa opisina Dili tungod sa trabaho, kundi mag-atubang sa bida Bitbit ang kape, pati paypay andam na Basta si Boss ang moabot, ang ngisi abot sa dunggan na. [Pre-Chorus] Bisan dili kinahanglan, mosingit gyud sa istorya "Sakto gyud ka Boss!"—mao na ang iyang kanta Klaro kaayo ang agi, mura’g uling sa agtang Para lang gyud mapansin, bisan unsa’y buhaton, andam! [Chorus] O kining tawo nga sipsip, mura’g linta kung mopilit Sa atubangan pwerteng tam-isa, sa luyo pwerteng pait Basta naay makuha, andam nga mang-ilad Sipsip dinhi, sipsip didto, mura’g straw nga nagkabad! Kon naay sayop ang uban, siya dayon ang motaho Isumbong sa tag-iya para siya ang mahimong sikat nga tawo Pero kon siya’y masayop, pwerteng panghugas sa kamot Ipasa sa uban ang sala, aron siya dili malubot. [Bridge] Ayaw kumpyansa, basin ikaw ang sunod itukmod Para lang siya ang makasaka, para siya ang maluhod Ang sipsip walay kasing-kasing, igo ra na silang mogamit Inig human nimo’g serbisyo, ilabay ka mura’g panit. [Chorus] O kining tawo nga sipsip, mura’g linta kung mopilit Sa atubangan pwerteng tam-isa, sa luyo pwerteng pait Basta naay makuha, andam nga mang-ilad Sipsip dinhi, sipsip didto, mura’g straw nga nagkabad! [Outro] Hinaot pa unta, makamata na ka Dili makuha ang tinuod nga kalamposan sa panguhit sa uban Trabaho lang og tarong, ayaw’g sipsip Kay ang gaba, dili ra ba matulog—moabot ra na, pwerte ka sikip!