பொழுது போக்கு பௌதிகம் - PHYSICS FOR ENTERTAINMENT

இனிய நண்பர்களுக்கு, #சென்னை புத்தகக்கண்காட்சியில், புகழ் பெற்ற புத்தகமான, சோவியத் அறிவியல் எழுத்தாளர் Yakov Perelman எழுதிய (80ஆண்டுகளுக்கு முன்னர்) Physics for Entertainment volume 1 தமிழில் மொழிபெயர்க்கப்பட்டு (பொழுதுபோக்கு இயற்பியல்) வெளியிடப்பட்டது. உலகில் மிக அதிக மக்களால் படிக்கப்பட்ட புத்தகம் Physics for Entertainment இது. பெரும் தாக்கத்தை ஏற்படுத்திய புத்தகமும் கூட. உலகினிற்கு USSR வழங்கிய அறிவியற்கொடை. இப்புத்தகத்தின் தமிழ் மொழிபெயர்ப்பினை வெளியிட்ட பாரதி புத்தகாலயம், அதற்கான அறிமுக உரையாற்றும் படி எனைக் கேட்டிருந்தது. இரண்டாம் உலகப்போரில் பட்டினியில் உயிரிழந்தவர் பெரல்மன். பெரும் அறிவியலாளர். மிகச்சிறப்பான இப்படைப்பில் இயற்பியலை உள்ளம் கவரும் வகையில் விளக்கியிருப்பார். அதுமட்டுமல்ல, அறிவியலை எவ்வாறு விளக்க வேண்டும் என்பதற்கு இப்படைப்பு ஒரு சான்று. அதையே எனது உரையிலும் விளக்க முயற்சித்திருக்கிறேன். குறிப்பாக #ஆசிரியர்களுக்கும் இவ்வுரை பயனுள்ளது என நினைக்கிறேன். அன்று நேரலையில் வழங்கியதே நீங்கள் இங்கே காணும் உரை... மாணவர்களுக்கும் ஆசிரியர்களுக்கும் கல்வியாளர்களுக்கும் அறிவியல் ஆர்வலர்களுக்கும் மிக உதவியாக இருக்கும் என்ற நம்பிக்கையில் உங்களுடன் பகிர்கிறேன். மிக அன்புடன், யோகராஜன்.