Sta chiuvenno!

STA CHIUVENNO! Lampe e ttuóne pe Ttuledo, fúje 'a ggente p' 'a città, tutte a ccorrere p' 'e strate cu 'a speranza 'e se sarvà. 'E ffigliole 'ntussecate p'ascí fòre a 'sti bbarcune, a llevà 'sti panne spase tutte quante a sse bbagnà. (Rit.) Sta chiuvenno! Sta chiuvenno! corre 'a ggente pe s'arriparà, e cchi 'mmece, nun se ne fotte, resta ferma a sse bbagnà. (Rit.) Sta chiuvenno! Sta chiuvenno! ma chest'acqua che se fira 'e fà, 'e nnammurate annascunnuto aret'a 'e llastre a sse vasà. Vott' 'o viento pe 'sti viche, quanta 'mbriélle vide 'e vulà, siente 'e vvoce 'e tanti mmamme ca se sbatteno a cchiammà, 'sti ccriature fore a 'e vasce ca se diverteno a schizzà, schizza, schizza, cu 'e scarpetèlle, dint' a ll'acqua a ppazzià. (Rit.) Sta chiuvenno! Sta chiuvenno! corre 'a ggente pe s'arriparà, e cchi 'mmece, nun se ne fotte, resta ferma a sse bbagnà. (Rit.) Sta chiuvenno! Sta chiuvenno! ma chest'acqua che se fira 'e fà, 'e nnammurate annascunnuto aret'a 'e llastre a sse vasà. Vott' 'o viento pe 'sti viche. quanta 'mbriélle vide 'e vulà, siente 'e vvoce 'e tanti mmamme ca se sbatteno a cchiammà, 'sti ccriature fore a 'e vasce ca se diverteno a schizzà, schizza, schizza, cu 'e scarpetèlle, dint' a ll'acqua a ppazzià. (Rit.) Sta chiuvenno! Sta chiuvenno! corre 'a gente pe s'arriparà, e cchi 'mmece, nun se ne fotte, resta ferma a sse bbagnà. (Rit.) Sta chiuvenno! Sta chiuvenno! ma chest'acqua che se fira 'e fà, 'e nnammurate annascunnuto aret'a 'e llastre a sse vasà. Friddo e ggelo p' 'e quartiere, manco n'anema pe 'sta città, Dint'ê ccase cu 'o bbraciere, 'e vvicchiarelle a sse Scarfà. Quanno chiove ce se 'nfonne, chi fatica 'o ssape ggià, è 'a natura, ca vo' ll'acqua, chistu tiempo ll'ha dda fà. (Rit.) Sta chiuvenno! Sta chiuvenno! corre 'a ggente pe s'arriparà, e cchi 'mmece, nun se ne fotte, resta ferma a sse bbagnà. (Rit.) Sta chiuvenno! Sta chiuvenno! ma chest'acqua che se fira 'e fà, 'e nnammurate annascunnuto aret'a 'e llastre a sse vasà. ********* Autore: Gianni Polverino cantante: Kekkina © 2026 Gianni Polverino